Son xa 945 casos activos por coronavirus os que se rexistran na área sanitaria de Lugo – A Mariña – Monforte, 55 máis ca os contabilizados onte. Segundo os datos do Servizo Galego de Saúde (Sergas), nas últimas 24 horas confirmáronse 97 positivos mediante PCR na provincia.
Os hospitais atenden hoxe un total de 34 pacientes diagnosticados de Covid-19: dous máis ca onte, aínda que as UCI rebaixan presión. O Hospital Universitario Lucus Augusti (HULA) conta doce ingresos en planta e tres na unidade de críticos; o da Mariña, 14; e o de Monforte, cinco.
Por outra banda, á última hora da tarde de onte o Sergas notificaba o falecemento dun nonaxenario usuario da residencia da Pastoriza. Polo tanto, a cifra de vítimas mortais da pandemia na provincia elévase ata as 149. Ata o de agora curáronse 6.881 persoas e realizáronse 137.147 PCR (onte 1.130 probas, cun 7’8% de positividade).
