O número de casos activos de coronavirus na provincia de Lugo aumenta a 751, 52 máis ca na anterior actualización, segundo o reconto ofrecido este domingo polo Servizo Galego de Saúde (Sergas). Nas últimas 24 horas confirmáronse 71 positivos novos por PCR.

Das 751 persoas contaxiadas, 22 permanecen ingresadas (catro máis).  Sete delas están ingresadas no HULA -dous máis, entre eles os dous da área sanitaria que requiren de coidados intensivos- e tres o centro hospitalario de Monforte (un máis). Na Mariña son doce pacientes, un máis que o anterior reconto.

En total a provincia rexistrou 147 falecementos, 6.773 altas e 7.673 casos acumulados. Fixéronse 132.730 PCR, o que implica que nas últimas 24 horas efectuáronse un total de 899 probas.