O número de usuarios con coronavirus nas residencias de maiores galegas estabilízase este martes, con 143 casos (os mesmos ca onte), pese a detectarse un gromo no centro da Pastoriza, que afecta a oito usuarios e dous empregados, segundo informa o Servizo Galego de Saúde.

Tamén houbo que sumar os novos positivos de tres usuarios da DomusVi Vimianzo (a residencia con máis casos actualmente) e outro na de Burela. Tamén se detectaron tres casos novos en usuarios da San Bartolomeu de Xove.

Pola contra, retíranse, por negativizar, tres usuarios da DomusVi Vimianzo, dúas da residencia San Bartolomeu de Xove, dúas da Monte Tecla da Guarda, un da Vila do Conde, dous da DomusVI Vigo, un da residencia Moledo de Vigo e outro do CRAPD Vigo II.

Por outra banda, en canto aos traballadores de residencias afectados, o Sergas informa hoxe dun total de 93 (un menos).