InicioSociedadeOs botellóns da fin de semana preocupan polos riscos sanitarios e ecolóxicos

Os botellóns da fin de semana preocupan polos riscos sanitarios e ecolóxicos

A zona do Carme apareceu chea de lixo tras unha suposta festa na contorna. Os hostaleiros de Lugo temen que estes comportamentos supoñan máis restricións para os seus establecementos.

PUBLICADA O

- Advertisement -

As imaxes de aglomeracións de persoas mozas e adultas a pasada fin de semana en Lugo preocupan polos riscos que poidan traer a nivel sanitario, dado o contexto actual da pandemia. O propio xerente da área sanitaria, Ramón Ares, xa alertou sobre este tipo de comportamentos, en referencia ás concentracións na rúa Nova ou na localidade de Meira. Tamén os hostaleiros lamentaron o ocorrido, que tacharon de “indignante”.

O presidente da Asociación Provincial de Empresarios de Hostalaría de Lugo (Apehl), Cheché Real, expresou a contrariedade do sector ante a proliferación de botellóns na véspera de fin de ano e ao longo da pasada fin de seman. “A indignación vai in crescendo”, afirma, á vez que deixa claro que neste caso “hai unha responsabilidade manifestamente individual”.

Real avisa das “consecuencias que trae isto consigo”. “Iremos a un novo confinamento ou produciranse máis contaxios entre a cidadanía por estes comportamentos absolutamente irresponsables e reprochables”, agoira. Así pois, lanza unha mensaxe ás autoridades políticas e sanitarias, porque sostén que “a hostalaría é incapaz de parar estes botellóns que se producen na rúa”.

“Temos que deixar patente o cumprimento da normativa nos locais de hostalaría, de cumprila e facela cumprir, pero cando as irresponsabilidades se suceden na rúa é imposible de parar. Isto vai traer unhas consecuencias gravísimas en canto a contaxios e restricións nos establecementos“, vaticinou Cheché Real.

O CONCELLO CHAMA AO “CIVISMO”

Pola súa banda, o Concello de Lugo fixo un chamamento ao “civismo” e ao coidado do patrimonio logo de que aparecesen restos de botellón na zona do Carme. O concelleiro de Medio Ambiente, Álvaro Santos, demandou “educación e respecto”, mentres lembra que os botellóns están “totalmente prohibidos” e “aínda máis” nun contexto de pandemia.

Así mesmo, avisa de que se está “causando un importante dano físico nunha zona protexida da cidade, o barrio do Carme, moi próximo ao casco antigo e polo que pasa a Vía Romana XIX e o Camiño Primitivo”.

ÚLTIMAS

Mochilas sensorias neurodiverxentes nos Museos de Lugo

Os museos provinciais --Museo Provincial de Lugo, Museo do Mar de San Cibrao, Museo...

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...