Continúan en descenso os casos diarios de coronavirus confirmados na área sanitaria de Lugo. Segundo o Sergas, nas últimas 24 horas detectáronse 14 positivos, mentres que onte esta cifra era de 17 e antonte de 26. Ao tempo, tamén baixa o total de casos activos, que se sitúa en 360 (-9).

Pola súa parte, a cifra das hospitalizacións segue estable: 20. O HULA atende catro pacientes na UCI (-2) e dez en planta; o da Mariña, tres; e o de Monforte un.

O Sergas refire un total de 143 vítimas mortais dende o inicio da pandemia, entre as que se inclúen dous homes usuarios da residencia de Vilalba que finaron onte. Así e todo, neste cómputo non se recolle o deceso doutros dous maiores usuarios de xeriátricos que faleceron en Santiago. Así pois, serían 145 falecementos nesta área sanitaria.