InicioSociedadeA libraría Galicia agocha décimos de lotaría en Lugo e dá pistas...

A libraría Galicia agocha décimos de lotaría en Lugo e dá pistas para a súa descuberta

O dono do establecemento ideou este xogo para repartir "ilusión" no barrio de San Antonio, por onde estarán colocados os boletos dunha serie completa.

PUBLICADA O

- Advertisement -

EFE | O propietario da Librería Galicia, Fernando Toubes, que tamén é punto de venda autorizado de Lotarías e Apostas do Estado na rúa Ourense (Lugo), fixo seu o lema da campaña publicitaria para o Sorteo Extraordinario de Nadal: “Compartir como sempre. Compartir como nunca”.

Neste ano difícil, este loteiro lucense quere insuflar algo máis de “ilusión” no seu barrio, polo que tomou a decisión de repartir de forma gratuíta “unha serie” de décimos para o sorteo do día 22 entre os seus veciños.

Farao, en todo caso, dunha forma especial, porque a súa idea é esconder os décimos por diferentes puntos do barrio de San Antonio nos próximos días, de modo que aqueles que queiran facerse cun dos boletos terán que buscalos por distintos lugares desa zona da cidade de Lugo.

Por suposto, non o farán a cegas. “Imos darlles pistas na propia librería”, sostivo, para indicar que poñerán aos interesados no camiño correcto para chegar aos décimos agochados, sempre que as interpreten de forma adecuada.  Por suposto, “se non o conseguen”, aclara, “diremos abertamente onde se atopan antes de que se celebre o sorteo”.

Para iso, para asegurarse de que ningún décimo queda sen recoller, os promotores desta iniciativa vixiarán diariamente os lugares nos que foron escondidos. EFE

ÚLTIMAS

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...