InicioSociedadeLugo proponse combater a "soidade non desexada" de 5.000 maiores

Lugo proponse combater a “soidade non desexada” de 5.000 maiores

O programa 'Acompañámoste' promoverá "a creación de grupos de rúa para a detección de persoas soas", das que se fará un seguimento semanal.

PUBLICADA O

- Advertisement -

O Concello de Lugo, en colaboración coa Cruz Vermella, pon en marcha a campaña ‘Acompañámoste‘ enfocada aos máis de 5.000 maiores que padecen unha “soidade non desexada”.

Na cidade amurallada hai máis de 22.000 persoas maiores de 65 anos, pero uns 5.000 atópanse nesta situación, polo que se quere axudar a combater esa soidade. Así, a alcaldesa de Lugo, Lara Méndez, explica que se promoverá “a creación de grupos de rúa para a detección de persoas soas” con voluntarios da Cruz Vermella que farán seguimento de “cada persoa” vía telemática, ademais de fortalecerse o servizo de acompañamento con saídas dous días á semana.

A alcaldesa, acompañada da concelleira de Benestar, OlgaLópez, e o presidente de Cruz vermella en Lugo, Luís Abelleira, presentaron esta mañá a campaña que xa arrincou no municipio.  Méndez subliñou que este tipo de “soidade non desexada” xera “moitos medos” e fomenta o “illamento destas persoas maiores”, das que se fará un “seguimento semanal”.

Esta campaña tamén quere chegar aos máis “pequenos”, a todos aqueles con problemas coas novas tecnoloxías e ás persoas en risco de exclusión social.

+ posts

ÚLTIMAS

“Esta é a violencia laboral que vivimos”: a CIG denuncia presións, ameazas e problemas de saúde na banca galega

A perda de dereitos laborais, o descenso dos salarios e as presións para acadar...

Besteiro acusa a PP e Vox de “ter présa” por esquecer os asasinatos franquistas e pide en Lugo “memoria, xustiza e dignidade”

O secretario xeral do PSdeG, José Ramón Gómez Besteiro, reivindicou este xoves en Lugo...

A Deputación de Lugo renova a xestión de tres espazos turísticos e destina preto de 400.000 euros a estradas

A Deputación de Lugo deu luz verde á adxudicación da xestión de tres instalacións...

A Xunta dá o ‘ok’ ambiental á ampliación dunha granxa avícola en Friol ata case 77.000 pitos

A Xunta deu o visto e prace ambiental á ampliación dunha explotación avícola, ata...