Pedrafita e As Nogais seguen co paso pechado a camións pola presenza de neve

O aviso leva en vigor dende o martes.

Cámara da DXT en Pedrafita do Cebreiro (Lugo). DXT

As nevadas caídas ao longo das últimas xornadas na montaña de Lugo manteñen restrinxida a circulación para camións e vehículos articulados na A-6 á altura de Pedrafita do Cebreiro e As Nogais.

O aviso permanece activado desde a tarde do martes en ambos os puntos da Autovía do Noroeste, segundo figura no mapa de alertas da Dirección Xeral de Tráfico (DXT) á primeira hora da mañá deste mércores.

Así mesmo, Tráfico tamén ten activado outro aviso por visibilidade reducida debido á néboa na autovía A-8 ao seu paso por Mondoñedo, así como outras alertas por obstáculos na estrada relacionados con accidentes noutro seis puntos da rede viaria da Comunidade galega.