EFE | O alumeado de Nadal da cidade de Lugo acenderase “por sorpresa” este ano para evitar aglomeracións e cumprir cos protocolos sanitarios.

Este cambio confirmouno a concelleira de Cultura, Turismo e Promoción da Lingua, Maite Ferreiro, que tamén indicou que este Nadal haberá máis rúas con iluminación ornamental. Ao non colocar as luces festivas durante o San Froilán, púidose incrementar o investimento nestas datas, explicou.

“Seguimos traballando para organizar actividades seguras neste Nadal, seguindo o camiño que fixo posible manter a actividade nos últimos meses”, engadiu, porque “a cultura é un ben de primeira necesidade do que viven moitas familias en Galicia”.