A listaxe de concellos lucenses en alerta vermella por incidencia de coronavirus non presenta cambios neste venres 6 de novembro. Lugo, Viveiro, Cervo, Burela e Monforte son os municipios que continúan co nivel 3. Porén, Guntín súmase a Palas de Rei e Chantada como os concellos da provincia en alerta laranxa.
Segundo o mapa de cores ofrecido pola Xunta, Guntín entraría nese grupo de municipios en nivel 2 de alerta; isto é, aqueles nos que se confirmaron por PCR entre 14 e 21 casos novos durante os últimos sete días.
ALERTA AMARELA
Mentres, hai outra decena de concellos lucenses que se atopan en nivel amarelo ou nivel de alerta 1 (entre 7 e 14 casos na última semana). Seguen Xove, Foz, Outeiro de Rei, Monterroso, A Fonsagrada e Pedrafita do Cebreiro, e incorpóranse O Valadouro, Vilalba, Cospeito e Bóveda.
O resto de municipios da provincia continúan sen alerta ao rexistrar menos de sete casos na pasada semana.
