InicioSociedadeLugo inicia a súa iluminación intelixente e eficiente

Lugo inicia a súa iluminación intelixente e eficiente

A metade dos equipos de telecontrol do proxecto 'Lugo Smart City' para a iluminación pública xa están instalados

PUBLICADA O

- Advertisement -

O Concello de Lugo xa instalou 23 dos 47 equipos de telecontrol da rede de iluminación pública que pertencen a unha das experiencias piloto que se están desenvolvendo dentro do proxecto ‘Lugo Smart City’. Nun comunicado, a alcaldesa lucense, Lara Méndez, explica que os resultados recolleitos servirán para “implementar políticas de xestión máis sustentables e respectuosas seguindo o modelo de cidade verde”.

O obxectivo é monitorar e telexestionar os consumos para o desenvolvemento de sistemas máis eficientes. Nas próximas semanas, segundo detalla o consistorio da capital provincial, finalizará a instalación dos 47 equipos que compoñen o proxecto.

Unha vez en marcha, monitorizarán o consumo enerxético a través da medición de factores como a tensión en cada fase, a intensidade, frecuencia eléctrica ou a potencia. Ademais, tamén permitirá a detección de enganches ilegais ou problemas de subministración. Os dispositivos están situados na Campiña, na Rotonda Oeste, na estrada de Fonsagrada ou nas inmediacións do HULA, entre outros lugares da cidade.

Trátase dunha das actuacións contempladas no proxecto ‘Lugo Smart City’, orientado a mellorar a prestación de servizos públicos a través das novas tecnoloxías.

ÚLTIMAS

O PP de Lugo acusa ó goberno local de “improvisación” e “falta de xestión” na regularización de terrazas

O PP de Lugo acusou este sábado ao goberno local de "improvisación" e "falta...

Falece un home de 62 anos tras chocar o seu vehículo contra unha árbore en Abadín

Un home de 62 anos faleceu á primeira hora deste sábado nun accidente de...

Un condutor borracho e drogado foxe tras ter un accidente e choca contra seis coches aparcados na rúa das Fontes

Un condutor ebrio foi interceptado pola Policía Local tras fuxir dun accidente e chocar contra seis...

O PP pide ao Goberno que “amplíe prazos e orzamentos” para a rehabilitación dos barrios da Milagrosa e Feijóo con fondos europeos

A presidenta provincial do PP de Lugo, Elena Candia, e a deputada lucense no...