InicioSociedadeVolven dispararse os contaxios en Lugo, con 84 nun só día

Volven dispararse os contaxios en Lugo, con 84 nun só día

Preocupa o contaxio masivo nunha residencia do Incio,

PUBLICADA O

- Advertisement -

O número de casos activos de COVID en Galicia volveuse a disparar este venres ata os 1.995 tras aumentar noutros 212, cun brote de máis de 60 positivos nunha residencia no municipio do Incio. Esta xornada aumentan os contaxios en todas as áreas, en especial na de Lugo con 84 máis, e do total, 1.114 corresponden á da Coruña.

Así se reflicte dos datos actualizados este venres pola Consellería de Sanidade, que indican que do total de pacientes positivos, seis permanecen en UCI –igual que este xoves–, 67 atópanse en unidades de hospitalización convencional –tres máis–, e 1.922 en seguimento domiciliario –209 máis respecto da xornada anterior–.

Dos 1.995 casos activos, 1.114 corresponden á área da Coruña e Cee –69 máis que este xoves–; 254 á de Lugo –84 máis–; 144 á de Vigo –tres máis–, 85 á de Pontevedra e O Salnés –cinco máis–; 179 á de Ourense –22 máis–; 130 á de Santiago –17 máis– e 89 á de Ferrol –12 máis–. Ademais, Sanidade apuntou que, ata o momento, curáronse en Galicia 11.737 persoas, 36 máis que a xornada pasada, e faleceron 628 pacientes con COVID –deles 133 en residencias–.

VÍTIMAS

As últimas vítimas, notificadas este venres, son dous homes da área sanitaria de Lugo de 93 e 77 anos con patoloxías previas, un deles residente no centro do Incio cun brote con máis de 60 casos.

Dos 1.995 casos activos na Comunidade galega, 84 están vinculados a centros residenciais, en relación a 68 usuarios –57 deles dun mesmo centro no Incio– e 16 traballadores –oito da mesma residencia–.

O número de PCR realizadas ata a data na Comunidade galega ascende a 294.691 fronte ás 290.491 contabilizadas ata este xoves, segundo os datos de Sanidade.

ÚLTIMAS

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...