InicioSociedadeA Xunta situará no mesmo edificio os catro xulgados do Social de...

A Xunta situará no mesmo edificio os catro xulgados do Social de Lugo e o de Menores pasará á Audiencia

PUBLICADA O

- Advertisement -

O vicepresidente da Xunta en funcións, Alfonso Rueda, avanzou este martes que o Xulgado do Social nº4 situarase xunto aos outros tres do Social no edificio xudicial da rúa Armando Durán, unha vez que o Estado autorizou –remarcou–, tras varias peticións da Comisión Mixta entre Xunta e TSXG, a posta en marcha dun cuarto Xulgado do Social na cidade de Lugo este ano.

Alfonso Rueda, acompañado do presidente da Audiencia Provincial de Lugo, José Antonio Varela, do fiscal xefe provincial, Roberto Breznes; da xuíza decana en funcións e titular do xulgado de menores, María Sara Pendás; da secretaria provincial coordinadora, Maria da Carmen Varela Rebolo; e do director xeral de Xustiza, Juan José Martín Álvarez, visitou a Audiencia Provincial de Lugo, onde indicou que alí será recolocado o Xulgado de Menores da cidade.

Segundo explicou, trasladarase o Xulgado de Menores á Audiencia, onde será acondicionado un espazo que agora está diáfano na planta superior, ao carón do Xulgado de Vixilancia penal. Ademais, coa vantaxe de que na Audiencia está a Fiscalía Provincial, que é a encargada de investigar os asuntos de menores infractores.

Os actuais tres xulgados do Social atópanse no edificio xudicial da rúa Armando Durán, pero non existe espazo para o cuarto xulgado do social. Rueda concluíu que, para poder habilitar ese espazo, dáse traslado á Audiencia do Xulgado de Menores, que será acondicionado cunha partida orzamentaria de 75.000 euros para que que, “axiña que o Ministerio de Xustiza permita o arranque deste cuarto xulgado”, todo estea xa listo para que bote a andar canto antes.

ÚLTIMAS

Os Andares, un proxecto de inmersión sonora para redescubrir os Ancares

Os Andares, un proxecto artístico-inmersivo sobre a memoria emocional dos territorios, presenta seis viaxes...

Suspendido o xuízo contra un home acusado de ameazar a dúas persoas cunha escopeta

O xuízo oral contra un home acusado dun delito de tenencia ilícita de armas...

A compañía de teatro do Campus de Lugo galardoada na mostra de ‘Teatro Joven’ de Donostia

Deixando a pel da compañía de teatro universitario USC- Lugo obtivo o premio á mellor...

O PPdeG demandará “máximo rigor” na tramitación da planta de biometano de Coeses, en Lugo

O portavoz do Grupo Parlamentario Popular, Alberto Pazos, acompañado dos deputados lucenses Encarna Amigo,...