EFE | Axentes da Policía Local de Lugo denunciaron oito mozos na cidade de Lugo por participar nun “botellón” sen “gardar as distancias de seguridade” entre eles e “sen máscaras de protección”.

Segundo informou a propia Policía Local, sucedeu a pasada fin de semana, cando unha patrulla viu a este grupo de mozos na Rúa do Hospital. Os axentes achegáronse a eles para avisalos de que estaban a incumprir as normas do estado de alarma, pero os rapaces fixeron “caso omiso” ás súas ordes.

Por outra parte,  tamén en Lugo, dúas mulleres mozas foron denunciadas por romper a cinta policial no parque infantil da Praza de Bretaña para “facer uso desas instalacións”, a pesar de que está prohibido polo estado de alarma.