InicioSociedadeSete casos activos menos, pero sen cambios nos hospitais de Lugo

Sete casos activos menos, pero sen cambios nos hospitais de Lugo

A comunidade galega xa supera os 600 falecementos pola pandemia.

PUBLICADA O

- Advertisement -

A Consellería de Sanidade informa dunha nova baixada no total de casos activos por coronavirus na área de Lugo. Son 117 este xoves 14 de maio, nove menos ca os rexistrados na xornada de onte. No que respecta aos hospitais, non hai variacións.

Desta maneira, seguen ingresadas catro persoas na Unidade de Coidados Intensivos (UCI) do HULA, mentres que outro paciente está hospitalizado en planta. Os 112 positivos restantes atópanse nos domicilios.

Por outra banda, segue medrando o número de altas. O Sergas xa documentou a recuperación de 770 persoas; isto é, persoas que deron negativo nunha proba de PCR tras padecer o virus ou ben persoas que xa non presentan síntomas pasado un tempo.

En canto ás vítimas mortais, mantéñense en 27. No día de onte, coñecíase o falecemento dun home que ingresara con coronavirus no Hospital da Mariña e que permanecía na UCI, pero xa dera negativo nun test . Polo tanto, a súa morte non entra no reconto oficial da pandemia.

GALICIA

Na comunidade galega volven baixar os casos activos por quinto día consecutivo e sitúanse nos 2.074 (-105). Deles, 21 permanecen en UCI, 123 están en unidades de hospitalización e 1.930 no domicilio. Polo de agora, en Galicia hai un total de 8.157 persoas curadas e rexistráronse 601 falecementos. O número de PCR realizadas é de 120.424

ÚLTIMAS

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...