O estudo de seroprevalencia realizado polo Ministerio de Sanidade revela que só o 2,1% da poboación galega superou a infección por coronavirus e xerou anticorpos, mentres que a media de España se sitúa no 5%. A análise, que ofrece resultados por provincias, amosa que a porcentaxe de poboación lucense con anticorpos non supera o 2,3%.
Galicia é a cuarta comunidade con menor por porcentaxe de poboación con anticorpos. Só hai cifras máis baixas en Murcia (1,4%), Canarias e Asturias (ambas co 1,8%). No outro extremo atópanse Madrid (11,3%) e Castela-A Mancha (10,8%).
Estes datos proveñen da primeira onda do estudo de seroprevalencia, no que se realizararon probas a 60.987 persoas. “Achéganos unha radiografía da epidemia do noso país e a conclusión que sacamos é que vén confirmar as hipóteses sobre as que viñemos traballando e nas que se fundamenta o plan de desescaldada”, dixo o ministro de Sanidade, Salvador Illa, que destacou a colaboración das comunidades autónomas na realización do traballo.
Trátase de estimar a prevalencia de infección da COVID-19 en España mediante a determinación de anticorpos fronte ao virus por comunidades autónomas, provincias, idade e sexo. Para iso, vaise a estudar, en tres ondas, a 90.000 persoas de todas as idades, comunidades e provincias.
Podes ler a información completa no Galicia Confidencial.
