A Deputación de Lugo vén de renovar a colaboración económica que mantén o ente provincial co Centro Asociado da UNED en Lugo, o que supón unha achega de case 300.000 euros para este ano 2020.
A través deste convenio, a Deputación axuda a financiar os gastos derivados do funcionamento deste centro, como os de dirección e coordinación, administración e servizos, titorías, instalacións e materiais… Tamén incluiría os desprazamentos de profesores para participar na dirección, xestión e docencia en seminarios e convivencias do Centro Asociado.
Ademais, segundo destacan dende o organismo provincial, tamén se impulsan “numerosos proxectos e pioneiras iniciativas” para ampliar a formación do alumnado do Centro Asociado da UNED en Lugo, que a día de hoxe inclúe 22 ofertas de titulacións de grao.
