EFE | Os test realizados polo Servizo Galego de Saúde aos profesionais sanitarios que utilizaron unha partida de máscaras defectuosas destaparon un caso positivo na provincia de Lugo. Ademais, os resultados doutros cinco sanitarios deron con IgG positivo, algo que indica que están inmunizados fronte ao virus porque probablemente xa pasarían a enfermidade.

Segundo informou o propio Sergas, desenvolvéronse 160 probas entre os sanitarios da provincia. Déuselles prioridade a aqueles que traballaron en áreas con pacientes de COVID-19 e a aqueles “que usaron as máscaras remitidas polo Ministerio de Sanidade” e que posteriormente foron retiradas ao informar o Goberno de que non cumprían coa normativa axeitada.

Tras recibir os resultados, só un profesional aparece contaxiado, mentres que outros cinco xa desenvolveron anticorpos, seguramente por ter superado xa o virus.