A pandemia da COVID-19 xa deixou 24 vítimas mortais na provincia de Lugo ata o día de hoxe. O último produciuse nas últimas horas e correspóndese co dun home de 82 anos que estaba ingresado no Hospital Universitario Lucus Augusti (HULA).
Segundo a última actualización de datos da Consellería de Sanidade, a área sanitaria rexistraba este luns 20 de abril un total de 605 casos activos por coronavirus, dez máis ca onte. A gran maioría dos novos positivos permanecen en atención domiciliaria, cun total de 564 pacientes deste tipo, aínda que tamén se incrementou o número de doentes ingresados nas Unidades de Coidados Intensivos (+1).
En Galicia, o número de mortes por coronavirus xa chega ás 463. Nas últimas horas, tamén se soubo do falecemento dun varón de 75 anos que estaba no Chuo de Ourense e dunha muller de 87 no Chuac da Coruña.
