InicioSociedadeSete usuarios e tres traballadoras do centro Avime, en Cospeito, dan positivo...

Sete usuarios e tres traballadoras do centro Avime, en Cospeito, dan positivo en coronavirus

A residencia San Vitorio, en Baralla, rexistrou o contaxio dun maior; e a da Milagrosa, na cidade de Lugo, xa suma cinco empregados contaxiados.

PUBLICADA O

- Advertisement -

A vivenda comunitaria Avime Fogar, situada no concello de Cospeito, alcanza os dez positivos confirmados por coronavirus. Segundo informa a Consellería de Política Social, as persoas afectadas son sete usuarios do centro e tres traballadoras.

Segundo publicaba El Progreso, dous dos maiores foron ingresados no HULA, mentres que os outros contaxiados foron trasladados á residencia Porta do Camiño (Santiago de Compostela), habilitada pola Xunta como punto de concentración de usuarios positivos por COVID-19.

OUTROS CASOS NAS RESIDENCIAS DA PROVINCIA

Desta maneira, este centro convértese nun dos principais focos de coronavirus na provincia, pero non é a única residencia con casos confirmados. Política Social informa de que tamén hai casos activos nos seguintes xeriátricos: residencia San Vitorio de Baralla (1 usuario e 1 empregado); residencia de Castro Ribeiras de Lea (2 usuarios e 2 empregados); DomusVi de Chantada (1 usuario); residencia de maiores de Foz (4 usuarios e 6 traballadores); DomusVi de Monforte (1 usuario e 5 empregados); residencia Betania de Viveiro (3 usuarios), residencia Mirador del Eo, en Ribadeo (2 usuarios); residencia de maiores de Burela (2 traballadores); residencia das Gándaras, en Lugo (1 traballador); residencia da Milagrosa, en Lugo (5 empregados); residencia San Rafael de Mondoñedo (1 empregado).

En canto aos Centros de Atención a Persoas con Discapacidade, a Xunta confirma a existencia de positivos no CAPD de Sarria (8 usuarios e 15 traballadores); na residencia Fudace, en Castro de Rei (1 usuario); na DomusVi de Bóveda (16 usuarios e 11 traballadores); na residencia San Vicente Paúl de Lugo (1 empregado); e na vivenda tutelada Ágora, de Monforte (1 empregado).

Alivio nas residencias de Burela e Mondoñedo polos resultados negativos de usuarios e empregados

ÚLTIMAS

Volve o festival decano da música clásica en Galicia: o Festival Cidade de Lugo, do 17 ao 31 de maio

O festival decano da música clásica en Galicia, o Festival Cidade de Lugo, presentou este...

Inspeción sanciona con case 850.000 euros a dúas empresas implicadas na contratación de temporeiros en Begonte

A Inspección de Traballo impuxo sancións que ascenden a case 850.000 euros ás dúas empresas implicadas...

Axentes atopan a un paciente do HULA en pixama polas rúas de Lugo

A Policía Local de Lugo realizou unha serie de actuacións humanitarias co obxectivo de...

O BNG insta á Xunta a actuar “con urxencia” no xulgado de Lugo tras o seu peche por risco de novos derrubes

A deputada do Bloque Nacionalista Galego (BNG) no Parlamento galego Olalla Rodil solicitou á Xunta que actúe "con...