InicioSociedadeO Concello da Fonsagrada autoriza o Rato Pérez a visitar as casas...

O Concello da Fonsagrada autoriza o Rato Pérez a visitar as casas dos nenos durante o confinamento

Nun bando municipal, o goberno local lémbralle unha condición: deberá usar máscaras e luvas, ademais de lavar as mans con frecuencia para evitar contaxios.

PUBLICADA O

- Advertisement -

O Concello da Fonsagrada emitiu un bando polo cal autoriza ao Rato Pérez a visitar as casas dos nenos e nenas do municipio durante o período de confinamento. Iso si, terá que seguir as recomendacións sanitarias para evitar contaxios.

Nunha orde emitida o 31 de marzo, o goberno local informa de que o Rato Pérez estará libre das restricións que impiden saír do fogar. Este personaxe poderá continuar co seu labor polas casas da Fonsagrada nas que haxa nenos aos que lles caera un dente. Deberá facelo polas noites e cumprir co uso de máscara e luvas para evitar contaxios. Ademais, será indispensable que lave as mans con moita frecuencia.

O alcalde fonsagradino, Carlos López, explica que esta é unha medida que tamén tomaron outros concellos españois para evitar que a pandemia de coronavirus sexa “aínda máis dura” para os pequechos.

De feito, o goberno local aproveitou para felicitar os nenos do municipio polo seu “exemplar” comportamento durante estas dúas semanas e media de confinamento nos seus fogares. Ademais, pídelles que lles “insistan” aos seus pais, nais, avós e avoas en que deben continuar en casa “para que na Fonsagrada ninguén se poña maliño”.

ÚLTIMAS

A Audiencia de Lugo absolve a unha muller e a súa filla acusadas de estafar á avoa para que lles dese diñeiro

A Audiencia Provincial de Lugo absolveu a dúas mulleres, nai e filla, que estaban...

Besteiro urxe á Xunta que poña o foco na saúde mental da provincia de Lugo, onde hai “dous suicidios á semana” de media

O secretario xeral do PSdeG, José Ramón Gómez Besteiro, advertiu este xoves en Lugo da...

O goberno de Lugo reclama ao presidente da Xunta máis investimentos que os anunciadas o luns tras o Consello

A portavoz do PSOE no goberno local de Lugo, Ana González Abelleira, volveu a...

Panadeiros piden “un convenio moderno e con garantías para o sector” na provincia

Un grupo de panadeiros, en representación dos 1.500 que hai na provincia de Lugo,...