O Goberno habilitou a apertura dun total de 37 hoteis, balnearios, apartahoteis e outros establecementos similares en Galicia para atender as necesidades de aloxamento e restauración que precisan os traballadores de servizos esenciais. Na provincia de Lugo, poderán abrir sete aloxamentos.
Na propia cidade, estes servizos serán prestados por Apartamentos Catasol, Apartamentos Ciudad de Lugo, Gran Hotel de Lugo e Hotel Darío. A maiores, tamén se habilita a Pousada de Portomarín, o Hotel Oca Playa de Foz e Apartamentos Duerming Sea View (Viveiro).
A idea, segundo a orde do Ministerio de Transportes, publicada este mércores no BOE, é “garantir a mobilidade daqueles traballadores que teñen que realizar determinados labores e que poidan dispoñer de aloxamento e comida”.
Podes ler a información completa no Galicia Confidencial.
