Os partidos das dúas próximas xornadas de LaLiga Santander e LaLiga Smartbank teranse que xogar a porta pechada para previr contaxios por coronavirus. Así, esta medida afecta aos encontros do CD Lugo contra o Racing de Santander —este venres 13 en Oviedo— e contra o Real Zaragoza —o vindeiro domingo 22 no Anxo Carro—.
Así o informou LaLiga nun comunicado, no que non descarta que a situación se poida prolongar. Mesmo barallan a posibilidade de que as autoridades sanitarias ordenen a suspensión da competición, polo que LaLiga traballa nun “plan alternativo”.
Por este motivo, o Club Deportivo Lugo informou de que se anula a viaxe dos afeccionados a Santander nun autobús que tiña previsto fletar. Ademais, devolverase o diñeiro a todas aquelas persoas que xa adquiriran as súas entradas.
