- Advertisement -
A Asociación Animalista Libera reuniu máis de 209.000 firmas a través da plataforma Change.org en contra da caza de raposos con cans en Galicia, unha das “modalidades máis crueis”.
Segundo explicou este sábado a organización nun comunicado, coa petición reclaman modificar o Código Penal para que “a crueldade ou malos tratos de fauna silvestre estea tipificada como delito” e para que as normas autonómicas prohiban o uso de xaurías de cans para as cazarías. Citan, por exemplo, o “pseudocampionato” de caza de raposo celebrado recentemente en Triacastela e Láncara.
