Parte dun muro do pavillón polideportivo do colexio Rosalía de Castro, na cidade de Lugo, caeu a noite do venres ao sábado tras rexistrarse unha greta, aínda que non xerou danos persoais, informou o Concello.

O concelleiro de Educación, Felipe Rivas, acudiu ao centro educativo para analizar o derrube que se produciu nun momento no que non había ninguén no edificio.

Equipos municipais en colaboración cunha empresa especializada levaron a cabo unha “derriba controlada” doutro tramo de muro debido ás deficientes garantías de estabilidade, segundo Rivas.

O representante do Concello indicou que o derrubamento se rexistrou “despois de detectar a aparición dunha pequena greta e da caída de cascotes”.

Por iso, “os servizos municipais tomaron a decisión de provocar a derriba dun tramo do peche perimetral do pavillón que non ofrecía garantías estruturais”.

O edil de Educación explicou, de acordo coa información facilitada polo persoal técnico municipal, que as intensas choivas dos últimos días poderían contribuír a reblandecer o terreo e a debilitar a deficiente ancoraxe do muro.