InicioLugo e contornaCondenado por esixir á súa inquilina relacións sexuais para non botala da...

Condenado por esixir á súa inquilina relacións sexuais para non botala da habitación que lle alugou

A Audiencia de Lugo avala a condena e o montante da multa tendo en conta o contexto de abuso de superioridade no que se produciu.

PUBLICADA O

- Advertisement -

A Audiencia Provincial de Lugo confirmou a condena imposta a un home por esixir á súa inquilina manter relacións sexuais a cambio de non botala da habitación que lle tiña alugada.

A sentenza avalada pola Audiencia, procedente do Xulgado de Instrución número 3 da cidade, considera o home autor dun delito de coaccións en “grao leve”, aínda que lle impón unha multa de 120 euros por considerar que este tipo de actitudes non poden “quedar despenalizadas”.

Na mesma liña, a Audiencia Provincial destaca no seu fallo o “contexto” no que se produciron os feitos probados. “Non é unha mera invitación a manter relacións sexuais, que sería en todo caso atípica, se non que tal invitación se torna coactiva en base á insistencia no requirimento, especialmente atendida a súa posición preeminente, pois é o arrendador da vivenda”. A maiores, o tribunal “advirte claramente o ton coactivo” nas mensaxes enviadas á vítima.

Segundo o escrito, os feitos remóntanse a agosto do ano 2018, cando a vítima contratou unha habitación en réxime de aluguer ao denunciado, a través dun “contrato verbal” polo que abonou os 200 euros do primeiro mes.

Con todo, unha semana despois, o caseiro enviou unha mensaxe ao teléfono móbil da súa inquilina propóndolle manter relacións sexuais a cambio de deixar de pagar o aluguer, algo que ela rexeitou.

Ante a negativa da vítima a esta proposición, continúa o fallo, o condenado envioulle outras mensaxes ao longo da mañá daquel día, entre eles un no que lle dicía ‘Pois en setembro busca un piso”. A muller abandonou esa mesma xornada a vivenda.

ÚLTIMAS

Cortes en Pedrafita pola tractorada galega que pide cambios substanciais nas políticas agrarias da UE

A protesta convocada polas organizacións agrarias galegas Unións Agrarias, Sindicato Labrego Galego e Asaga,...

Consulta xa os horarios dos concertos da Candeloria

O festival lucense A Candeloria anunciou os horarios dos seus concertos, con máis dunha ducia de actuacións...

Queres coñecer ao piloto Jorge Prado e estar no Campionato de España de Motocrós?

Os xornais de Lugo, en colaboración co Concello de Lugo, sorteamos tres entradas dobres...

Detido un condutor que tratou de levar por diante a dous grupos de ciclistas en Lugo

Un home foi detido en Lugo acusado dun delito contra a seguridade do tráfico por tratar...