O pleno do Consejo General del Poder Judicial (CGPJ), que se reunirá este xoves, examinará o recurso á sanción imposta á xuíza do un de Lugo, Pilar de Lara, de sete meses e un día de suspensión de emprego e soldo, que carrexa perdida de destino.

Así o confirmou o avogado da xuíza, Agustín Azparren, quen asegurou que “se se resolve no pleno de mañá”, xa estaría resolta a vía administrativa que decide o consello e “abriríase a posibilidade de ir en (recurso) casación ao Tribunal Supremo“.

Pilar de Lara foi sancionada por dilacións indebidas nos distintos procesos e macrocausas que segue a xuíza como a operación Carioca, sobre redes de prostitución, a Pokémon e o Garañón, sobre corrupción política.

En caso de confirmarse a sanción, estes procesos pasarían ao xuíz que viría a ocupar a praza de De Lara no xulgado número un de Lugo. A pesar diso, Azparren incidiu en que “hai a posibilidade de solicitar a suspensión da execución da sanción” e que non se faga efectiva “ata que resolva o Tribunal Supremo” (unha espera de dous meses).