InicioSociedadeLara Méndez, "preocupada" polo peche doutras dúas tendas no centro de Lugo

Lara Méndez, “preocupada” polo peche doutras dúas tendas no centro de Lugo

Pull&Bear e Amichi, ambas ubicadas na rúa da Raíña, son as novas baixas na rede de establecementos do casco histórico.

PUBLICADA O

- Advertisement -

EFE.- A alcaldesa de Lugo, Lara Méndez, manifestou a súa “preocupación” polo peche de dous novos establecementos no centro histórico da cidade. “Independentemente da autonomía de calquera empresa para poder abrir e pechar, non é unha boa noticia”, sinalou á prensa a socialista Méndez.

Trátase da tenda de roupa Pull&Bear, pertencente ao Grupo Inditex, ubicada na rúa da Raíña. Este negocio pechou este luns case por sorpresa, ao non ter os traballadores coñecemento previo desta decisión. Segundo publica El Progreso, tamén está previsto o peche doutro establecemento de moda desta mesma rúa, Amichi.

BUSCA DE SOLUCIÓNS

Lara Méndez sinalou que “ultimamente é unha tónica xa habitual o peche e apertura de novos locais”, o que supón unha “falta de estabilidade, continuidade e seguridade no plano laboral e no crecemento económico das zonas urbanas”. “Traballamos moito para dinamizar o comercio do centro histórico, aínda que non sexa a nosa competencia, e por suposto é algo que nos afecta”, lamentou a rexedora lucense.

Por este motivo, a rexedora lucense avanzou que en próximas datas concertarase unha reunión coa Federación de Comercio e tamén coa directora xeral de Comercio da Xunta de Galicia, Sol Vázquez Abeal. “Valoraremos realizar posibles actuacións conxuntas, sempre traballando na mesma dirección”, indicou Méndez.

ÚLTIMAS

Descubertos varios sitios arqueolóxicos nos Ancares

O Colectivo Patrimonio dos Ancares comunicoulle á Xunta de Galicia a localización de varios...

Ecoloxistas en Acción denuncia que a planta de Altri en Palas consumirá o total da auga da provincia de Lugo nun día

Ecoloxistas en Acción reclama á Xunta que denegue á compañía portuguesa Altri a solicitude de captación...

A Deputación de Lugo culpa á Xunta de “incumprir” o proceso de estabilización e esixe o fin da “temporalidade”

O pleno da Deputación Provincial de Lugo aprobou este martes unha moción do Grupo Provincial Socialista...

Adega denuncia que a captación de auga para Altri provocará “problemas de abastecemento”

A Asociación para a Defensa Ecolóxica de Galiza (Adega) censura a solicitude de captación...