- Advertisement -
O famoso actor, director e produtor Mel Gibson deixouse ver este domingo pola Fonsagrada. Logo de pasar pola veciña Asturias, esta estrela internacional fixo unha parada nun dos restaurantes mellor valorados da localidade fonsagradina, o Cantábrico.
O gañador do Óscar a mellor dirección e mellor película por Braveheart, foi un máis no salón-comedor deste local hostaleiro, ataviado con roupa cómoda de acordo á súa condición de veraneante polo norte de España. Iso si, a súa presenza non pasou desapercibida e houbo quen quixo sacar algunha foto con ‘Mel da Fonsagrada’, como bromeou un usuario en Twitter.
