A deputada de Ciudadanos, Marta Rivera, presentou no Congreso varias preguntas parlamentarias sobre os reforzos policiais previstos para a época estival en Lugo.
Segundo a formación laranxa, nesta época vólvese máis patente a falta de recursos policiais naqueles puntos nos que se produce unha especial afluencia de turistas, e por conseguinte, de poboación flotante. Ademais, denuncian que parte do reforzo destes persoais realízase con axentes en período de prácticas, “o que reduce significativamente a eficacia do servizo”.
A lucense Marta Rivera quere coñecer, en concreto, cantos efectivos máis haberá en Lugo ou se o Ministerio de Interior terá en conta o período de vacacións dos axentes á hora de contemplar o número de reforzos. Así mesmo, solicita detalles sobre a cifra de axentes de prácticas entre o total de novos efectivos.
