InicioA UlloaA pensión media de Lugo é 160 euros menor a da Coruña...

A pensión media de Lugo é 160 euros menor a da Coruña e Pontevedra

Un pensionista lucense cobra 400 euros menos que un vasco.

PUBLICADA O

- Advertisement -

A pensión media de Lugo é de 840,30 euros, unha das máis baixas do estado. De feito, é 160 euros menos a pensión que se cobra en Pontevedra e na Coruña e 400 menos do que cobra un pensionista vasco.

A pensión galega é a segunda máis baixa de España, só por detrás de Estremadura (825,12 euros), segundo os datos que publicou este martes o Instituto Nacional da Seguridade Social (INSS). A comunidade cunha cantidade maior é País Vasco (1.231,58), case 400 euros por encima de Galicia.

Pola súa banda, o número total de pensións en Galicia creceu un 0,5% en relación a xuño do ano pasado, ata as 764.931, das cales 69.932 son de incapacidade permanente, 478.067 de xubilación, 186.638 de viuvez, 23.731 de orfandade e 6.563 en favor de familiares.

A pensión media de xubilación en Galicia está en 954,43 euros, tamén a segunda máis baixa de España, por detrás, outra vez, de Estremadura (942,15 euros), sendo estas dúas comunidades as únicas que se sitúan por baixo do mil euros. A media española alcanza os 1.137,99 euros.

Hai diferenzas considerables entre as provincias, xa que en Ourense un xubilado medio cobra 794,42 euros, mentres que en Lugo 840,30 euros. Pola súa banda, na Coruña alcanza os 1.010,78 euros e en Pontevedra os 1.012,36 euros.

Por incapacidade permanente, de media en Galicia cóbranse 882,21 euros (978,61 euros en España), mentres que por viuvez 600,67 euros (712,19 euros en España), por orfandade 399,16 euros (404,30 euros en España) e en favor de familiares 514,62 euros (575,58 euros de media estatal).

ÚLTIMAS

Colisión frontal en Lugo deixa tres persoas hospitalizadas

Tres persoas resultaron feridas e unha delas tivo que ser excarcerada tras unha colisión...

O Concello de Lugo reclama á Xunta a recuperación inmediata do antigo cuartel de San Fernando

O Concello de Lugo reclamou á Xunta que execute de inmediato a recuperación do...

A Deputación de Lugo impulsa unha campaña para apoiar ás familias na volta ao cole

A Deputación de Lugo e a Federación Galega de Comercio lanzaron este venres na...

Sorprenden un home roubando unha bicicleta rompendo a cadea cun machete en Lugo

Axentes da Policía Local de Lugo sorprenderon na mañá do xoves a un home...