InicioSen categorizarVeciños das Gándaras contraprograman á manifestación do #8M con outra contra os...

Veciños das Gándaras contraprograman á manifestación do #8M con outra contra os okupas

Á protesta asistiron case 300 persoas, fronte as máis de 10.000 que acudiron á reivindicar os dereitos das mulleres polas rúas da cidade lucense.

PUBLICADA O

- Advertisement -

Decenas de veciños do barrio lucense das Gándaras volveron a saír este domingo á rúa para protestar contra a ocupación ilegal de vivendas nesa zona da cidade de Lugo, onde polo menos cinco inmobles permanecen ocupados por persoas que non atenden aos requirimentos dos seus lexítimos propietarios.

A manifestación veciñal, convocada pola asociación Gatos Roxos e apoiada por militantes de Vox e do PP, partiu á unha e cuarto do mediodía da igrexa das Gándaras, e, detrás de dúas pancartas nas que se podían ler as mensaxes “Fóra Ocupas” e “Non a ocupación ilegal de Vivendas. Esiximos máis vixiancia e seguridade non noso barrio”, uns trescentos veciños percorreron varias rúas do barrio, vixiados en todo momento por axentes do Corpo Nacional de Policía.

Trátase da segunda manifestación para esixirlles aos “okupas” que marchen do barrio, pero os veciños anuncian que haberá moitas máis ata que os propietarios das vivendas ocupadas recuperen as súas casas.

CONTRAPROGRAMACIÓN

Os veciños mantiveron a protesta a pesar da coincidencia coa outra gran manifestación que viviu a cidade de Lugo a favor da igualdade de xénero e dos dereitos da muller. “A pesar do inconveniente de que coincidiu” coa outra manifestación, a que convocou a plataforma feminista Galegas8M, “a xente segue involucrada e con ganas de plantarlle cara a isto”, dixo o presidente da asociación Gatos Rojos, Jaime Gueimonde. Con todo, a primeira protesta xuntou a máis de 10.000 persoas e a segunda case 300.

“Temos que buscar unha solución a isto e seguir convocando as manifestacións que fagan falta”, engadiu. Gueimonde indicou que As Gándaras é “un barrio no que hai moitas vivendas unifamiliares e a xente está nerviosa”.

A pesar destas manifestacións, Gueimonde asegurou que os okupas seguen aí, non marchan”.”Seguen vivindo aí, non marchan, pero seguiremos facendo manifestacións para que conseguir que se vaian. Para que vexan que isto non é un barrio sinxelo para vivir”, concluíu.

ÚLTIMAS

Amancio Prada volve a Lugo 16 anos depois

Amancio Prada volve a Lugo 16 anos despois do seu último concerto nesta cidade....

Piden a absolución dun mozo de Vilalba acusado de violar á súa ex parella menor de idade

A sección segunda da Audiencia Provincial de Lugo acolleu este martes a celebración do...

Denuncian unha agresión a unha menor durante unha manifestación en Lugo por levar unha bandeira saharauí

Comunidade Saharauí en Galiza presentou unha denuncia pola agresión sufrida por unha menor saharui durante unha...

Unha certificación turística permitirá protexer o ceo nocturno dos Ancares

O deputado de Medio Ambiente, Carlos López, recibiu este luns na Casa do Concello...