Lugo ten este venres, 18 de setembro, 745 casos activos, 27 menos que o día anterior, a maior baixada de casos rexistrada en Galicia. Deles, trece están na UCI do HULA e 51 en hospitalización (2 no Hospital Público da Mariña, 3 no Hospital Público de Monforte, 13 no Polusa e o resto no HULA). Os 691 restantes están gardando corentena en domicilio.
A situación en Lugo contrasta coa suba dos casos activos de coronavirus COVID-19 en Galicia que aumentaron en 11 nas últimas 24 horas tras detectarse 248 novos positivos e rexistrarse 233 novas altas, ademais de catro falecementos.
Segundo os datos facilitados este venres pola Consellería de Sanidade, os casos activos baixan nas áreas de Lugo, Ferrol –seis menos– e Santiago –outro catro menos–.
En concreto, dos 4.317 casos activos rexistrados en Galicia, 1.237 corresponden á área sanitaria da Coruña –un máis que este xoves–, 745 á de Lugo –27 menos–, 631 á de Santiago –catro menos–, 611 á de Pontevedra –27 máis– 511 á de Ourense –oito máis–, 406 á de Vigo –12 máis– e 176 á de Ferrol –seis menos–.
Ata o momento, segundo os datos actualizados por Sanidade, curáronse en Galicia 16.297 persoas, o que implica 233 máis que este xoves, e faleceron 705 persoas con COVID-19.
