A alcaldesa de Lugo presidiu esta mañá no Salón de Plenos a Mesa Xeral de Negociación, na que participaron representantes sindicais de CC.OO., CIG, UGT, CSIF, USO e SPPLB.
Durante a reunión acadouse o primeiro acordo por unanimidade coa aprobación da Oferta de Emprego Público sectorial da Policía Local do Concello de Lugo para o ano 2026.
No encontro tamén se avanzou no traballo relacionado coa Relación de Postos de Traballo (RPT), abordando distintas propostas vinculadas á súa actualización.
Asemesmo, tratouse a carreira profesional do persoal municipal, onde as distintas centrais sindicais fixeron aportacións, un asunto sobre o que a alcaldesa solicitou un informe económico aos servizos de Intervención para continuar avanzando na súa tramitación
O Executivo municipal destaca a importancia do diálogo e do consenso coas organizacións sindicais para seguir mellorando a organización municipal e dar estabilidade ao persoal do Concello.
