- Advertisement -
Os senadores do PP de Lugo –José Manuel Barreiro, José Manuel Balseiro e Juan Serrano– pediron ao Goberno central que aclare se abrirá este verán un subtramo da autovía A-54 entre Lugo e Santiago. Nunha nota de prensa, os populares sinalaron que o pasado mes de febreiro, durante a apertura do tramo entre Palas de Rei e Melide, o ministro de Transportes e Mobilidade Sustentable anunciou a súa finalización para este ano 2025 e que este verán entraría en funcionamento un subtramo entre Melide e Arzúa. Así, os senadores formularon unha pregunta ao Executivo central a situación na que se atopan as obras da autovía que conectará a capital lucense con Santiago.
