InicioPolíticaO BNG presenta máis de 700 alegacións ao proxecto que Altri expón...

O BNG presenta máis de 700 alegacións ao proxecto que Altri expón para implantar en Palas de Rei

Di que é unha "bomba medioambiental" para a zona.

PUBLICADA O

- Advertisement -

O BNG presentou na Xunta máis de 700 alegacións contra o proxecto que Altri quere implantar en Palas de Rei recollidas nas últimas xornadas en distintos postos informativos colocados na comarca de Lugo pola formación.

A deputada Montserrat Valcárcel, que estivo acompañada polo portavoz do BNG en Lugo, Rubén Arroxo, e cargos orgánicos e institucionais do BNG en Lugo, asegurou que o proxecto “será unha bomba ambiental que prexudicará a toda Galicia, especialmente nunha comarca que destaca polo seu desenvolvemento agrario”.

“O proxecto de Altri en Palas de Rei condicionará de forma decisiva a política forestal, incrementando a eucaliptización e afectando os equilibrios, á biodiversidade e ás cadeas de valor da industria forestal galega”, explicou a deputada do Bloque, que destacou que “a afección deste proxecto vai máis aló dos concellos da contorna, do río Ulla e da ría de Arousa, é un proxecto que atenta contra os intereses xerais de Galicia”, sinalou.

Conforme apuntou o BNG nun comunicado, Montserrat Valcárcel resaltou que “non se coñece que asociado a este proxecto haxa ningún plan de industrialización ligado ao sector do papel, cartón e téxtil que promova o peche dos ciclos produtivos en Galicia e aumente o valor engadido en sectores básicos da nosa economía”.

O BNG considerou o proxecto de Altri como “unha industria de enclave”, “unha pasteira de grandes dimensións que vai chegar a todos países a transformación da materia prima e que pon en perigo importantes sectores produtivos de Galicia“. As alegacións presentadas reclaman á Xunta a non autorización ambiental integrada, o rexeitamento do estudo de impacto ambiental, a non declaración de utilidade pública e o rexeitamento de proxecto promovido por Altri en Palas de Rei.

ÚLTIMAS

Pasará a disposición xudicial o profesor do CEIP Albeiros por presunto abuso a menores

O profesor do CEIP Albeiros de Lugo detido na xornada do mércores pola Policía Nacional investigado...

Ulloa Viva acusa a Rueda de “falta de respecto” aos participantes na manifestación contra Altri

A Plataforma Ulloa Viva tacha de "falta de respecto" cara aos asistentes á manifestación...

Hael Docampo, emprendedora que apostou pola gandería en Castroverde

Segundo sabemos, esta moza era máis de animais que de gando, pero co tempo...

Denuncian o estado ruinoso dunha ponte medieval, paso de peregrinos

Alertados por uns veciños, dende o Colectivo Patrimonio dos Ancares acaban de comunicar á...