InicioPolíticaA Deputación de Lugo pide ao Concello de Antas que axilice os...

A Deputación de Lugo pide ao Concello de Antas que axilice os trámites para construír o Parque Central de Galicia

Espera que o alcalde, Javier Varela, convoque "canto antes" un pleno no Concello para aprobar o Plan Especial

PUBLICADA O

- Advertisement -

A Deputación de Lugo pediu ao Concello de Antas de Ulla que axilice os trámites para poder acometer as obras de construción do Parque Central de Galicia, o proxecto impulsado pola institución provincial para pór en valor o centro xeográfico da Comunidade, situado en Nugallás, na parroquia de San Fiz de Amarante.

Tal como informou a Deputación nun comunicado, tras múltiples xestións co Concello e despois de chegar a un acordo co Instituto de Estudos do Territorio da Xunta para realizar algunha modificación do proxecto inicial, o ente provincial trasladou en novembro o proxecto modificado á localidade lucense.

Por iso, a Deputación espera que o alcalde de Antas de Ulla, Javier Varela, convoque “canto antes” un pleno no Concello para aprobar o Plan Especial para poder construír o Parque Central.

Así, pediu “colaboración leal” para que resolva rápido este expediente, xa que os veciños de Antas “non entenderían que o Concello non colaborase e puxese trabas para aprobar o citado plan”.

“De non producirse a aprobación do Plan Especial para poder construír o Parque Central do centro xeográfico de Galicia nun tempo prudencia, a Deputación encargaría aos servizos xurídicos iniciar as accións legais oportunas para poder sacar adiante este proxecto”, reivindicou a administración provincial, que desexa que “non sexa necesario” expor ningunha demanda.

ÚLTIMAS

A Deputación de Lugo acusa os bombeiros de incumprir servizos mínimos en Vilalba e ameaza con accións xudiciais

A Deputación de Lugo acusa os bombeiros do parque de Vilalba de incumprir os servizos mínimos...

O PP de Lugo presenta trinta propostas para os orzamentos municipais de 2024

A presidenta do PP de Lugo, Elena Candia, explicou a batería de propostas que...

Un condutor dá positivo en alcol e drogas tras sufrir un accidente en Lugo

Axentes da Policía Local de Lugo foron mobilizados en pasado martes por mor dun accidente de tráfico rexistrado...

Traballadoras da limpeza dea Lugo protestan ante o Parlamento pedindo a mediación da Xunta

Traballadores do sector da limpeza de Lugo trasladaron a súa protesta este martes ás...