O PP galego ha demando ao Goberno central que achegue solucións “a curto e longo prazo” para os problemas xerados polo derrube nun viaduto da A-6 que conecta as provincias de León e Lugo.
“Galicia está igual que no minuto un”, aseverou a secretaria xeral do PPdeG, Paula Prado, que visitou este mércores a zona do viaduto do Castro –Vega de Valcarce– acompañada por membros do seu partido.
Alí, a tamén viceportavoz parlamentaria exhortou ao Goberno a “non xogar a desprezar a Galicia” e a non “decepcionar” máis aos galegos porque “os grandes males” requiren, segundo Prado, “grandes remedios” e as solucións achegadas ata o momento “son inexistentes”.
Ademais, acusou ao Executivo central de “obviar” a “experiencia” de Galicia, “que coñece o territorio e achegou propostas viables”. “Esta situación únese ao illamento co que (Pedro) Sánchez está a someter a Galicia coa eliminación das paradas de autobús e o atraso da chegada dos trens Avril“, apostilou Paula Prado.
A deputada na Cámara autonómica advertiu do impacto do corte desta infraestrutura para a economía galega, pois “está minguando a competetividade de Galicia de forma substanciosa” posto que ese mesmo viaduto está pechado desde hai ano, o que, como recalcou, afecta o transporte eólico cara ao porto de Ferrol.
“Hai 4.000 empregos pendentes dun fío por non tomar medidas e existe a ameaza da deslocalización das multinacionais. E o resto do transporte está a sufrir tamén as consecuencias”, remarcou Prado, que pide “transparencia, información, solucións a curto prazo e solucións a longo prazo”.
MEDIDAS PROVISIONAIS
A situación xerada na A-6 foi abordada na reunión da comisión de infraestruturas do PP galego, que cualificou de “insuficientes” as medidas provisionais postas sobre a mesa polo Ministerio de Transportes.
“A solución provisional do Ministerio é froito do mínimo esforzo, do mínimo gasto e da mínima responsabilidade. Mentres tanto, o Goberno de Sánchez despreza as alternativas viables e completas que dá a Xunta”, recalcou Prado.