Senadores populares por Lugo esixiron ao Goberno que aclare os prazos para executar o tramo da autovía A-76, entre Ponferrada e Ourense, ao seu paso pola provincia lucense.
Os senadores lucenses José Manuel Barreiro, Rosa Arza e Manuel Lorenzo Varela enviaron un comunicado no que remarcan que tratan de conseguir que o Goberno fixe prazos concretos e saque adiante ás infraestruturas iniciadas ou comprometidas.
Incidiron en que o Ministerio de Transportes “elude dar datas para a construción” desta autovía ao seu paso pola provincia de Lugo, “a pesar de que os estudos informativos para estes tramos termináronse no ano 2013”.
“É evidente que hai unha absoluta falta de vontade por parte do Goberno central para a execución da A-76, unha autovía que suporá un eixo estratéxico para a vertebración da Galicia interior e para o acceso a Galicia desde Castela e León e a Meseta, debido á súa conexión coa A-6″, aseveran.
