InicioPolíticaO Parlamento reclama ao Goberno que faga as obras na N-120 en...

O Parlamento reclama ao Goberno que faga as obras na N-120 en Lugo e Ourense

A Cámara galega tamén pide ao executivo central a creación de máis áreas Rexurbe.

PUBLICADA O

- Advertisement -

O Parlamento de Galicia aprobou este martes dúas proposicións non de lei do Grupo Popular nas que piden, por unha banda, que o Goberno central leve a cabo as obras nas infraestruturas comprometidas no sur da provincia de Lugo e oriente de Ourense na N-120, singularmente os carrís de adiantamento, e a activación da A-76.

Ademais, insta á Xunta a “continuar coa aplicación” do programa Rexurbe, realizando novas convocatorias públicas de adquisición de inmobles e declarando novas áreas, a través da Lei 1/2019, do 22 de abril, de rehabilitación e rexeneración e renovación urbanas de Galicia.

En canto ás obras da N-120, a deputada popular Raquel Arias lembrou que a estrada N-120 é a única vía de comunicación entre as comarcas orientais de Ourense, a capital da provincia e a comarca de Lemos. “Ante esta situación, desde o PPdeG solicitamos en numerosas ocasións, tanto no Congreso como no Parlamento de Galicia, a construción dos carrís de adiantamento na estrada N-120 e da A-76, a autovía pensada para ser alternativa á estrada nacional”, lembrou.

Pola súa banda, a deputada popular Begoña Freire lembrou que a Xunta “leva moito tempo en actuacións de rehabilitación e de recuperación de conxuntos históricos”.

A reutilización dos espazos residenciais degradados, tanto en cidades como pobos ou núcleos rurais, xogan un papel fundamental nas políticas de vivenda como solución eficiente, sustentable e de futuro á hora de dar resposta ás necesidades de vivenda da poboación de conservar o patrimonio construído e de minorizar os impactos no medio”, sinalou.

ÚLTIMAS

Interceptado en Lugo un condutor ebrio e drogado que carecía de permiso para conducir

Un condutor foi interceptado cando circulaba sen permiso de condución baixo os efectos do...

Becerreá rexistrou este sábado un terremoto de 2,5 graos de magnitude

O municipio lucense de Becerreá rexistrou este sábado un terremoto de 2,5 graos de...

Galicia, vixiante co sarampión: detéctanse en Lugo os dous primeiros casos dende 2020

A Consellería de Sanidade reforzou a vixilancia contra o sarampión despois de detectar que repuntes...

O PP de Lugo acusa ó goberno local de “improvisación” e “falta de xestión” na regularización de terrazas

O PP de Lugo acusou este sábado ao goberno local de "improvisación" e "falta...