InicioPolíticaO Concello de Lugo detectou 220 deficiencias no auditorio de Magoi

O Concello de Lugo detectou 220 deficiencias no auditorio de Magoi

Lara Méndez anunciou un investimento de 430.000 euros para arranxar os desperfectos causados por "erros construtivos" e pola "falta de mantemento". A apertura do inmoble tería que agardar a despois do verán.

PUBLICADA O

- Advertisement -

Polo menos 220 deficiencias foron detectadas no novo auditorio de Lugo, desperfectos que será necesario arranxar antes da súa apertura, segundo advertiu este mércores a alcaldesa da cidade, Lara Méndez, na presentación dos resultados dun estudo encargado polo Concello.

A rexedora sinalou que o informe encargado conclúe que as instalacións presentan “deficiencias de consideración nos sistemas de protección contra incendios”, así como na instalación de subministración “de gas, na ventilación e na climatización”.

Para emendar esas deficiencias, entre as que se inclúen “múltiples filtracións, que afectan mesmo aos acabados do inmoble”, o Concello de Lugo terá que investir 430.000 euros, apuntou a rexedora.

Segundo o estudo, a deterioración do edificio é “froito de erros construtivos”, pero “fundamentalmente da súa falta de mantemento durante o tempo que o inmoble estivo desocupado ata a súa recepción” por parte do Concello, indicou.

Ao caducar a garantía das obras, o Goberno local sacará a licitación o arranxo das instalacións co obxectivo que o auditorio poida abrir as súas portas despois do verán.  Con ese novo gasto, o Goberno local calcula que o Concello de Lugo abonará o 21 % do custo desta infraestrutura cultural.

ÚLTIMAS

Carlos Blanco será o pregoeiro da XXIX Festa do Queixo de San Simón

Vilalba acolle esta fin de semana unha nova edición, e xa van vinte e...

Ofertan 100 prazas para labores de panadaría nunha compañía do sector da alimentación de Lugo

Adecco publicou este mércores unha oferta de emprego de 100 prazas para labores de panadaría nunha compañía...

Dous cabalos soltos en pleno centro de Lugo

A Policía Local de Lugo informou de que, o pasado 28 de marzo, localizou na Avenida...

Ferido un neno despois de ser atropelado en Baralla ao baixar do autobús escolar

Un neno resultou ferido este xoves ao sufrir un atropelo en Baralla. Segundo informou...