O BNG traerá ao Parlamento de Galicia a reivindicación de Coalición polo Bierzo de que esta comarca reciba a consideración administrativa de provincia, á vez que se solicita á Xunta que manteña a porta aberta a unha posible adhesión do Bierzo á comunidade autónoma de Galicia.
A iniciativa, que será levada a pleno a través dunha proposición non de lei, pedirá o apoio da Cámara galega á declaración do Bierzo como provincia, unha demanda “con ampla base” social que xorde da “vontade” do “pobo berciano”, como recollen distintos estudos demoscópicos publicados nos últimos tempos.
Os encargados de presentar a proposición foron a deputada do BNG María González Albert e o secretario xeral de Coalición polo Bierzo, Iván Alonso, quen reclamou que “se escoite a voz dos bercianos” e aténdase as súas demandas a través de mecanismos democráticos para o seu recoñecemento como provincia.
Please wait while you are redirected...or Click Here if you do not want to wait.
