InicioPolíticaCiudadanos denuncia ante a Valedora a "falta de transparencia" do goberno de...

Ciudadanos denuncia ante a Valedora a “falta de transparencia” do goberno de Lugo

A formación laranxa critica a insuficiente información relativa a contratos, axudas ou subvencións na web do Portal da Transparencia.

PUBLICADA O

- Advertisement -

EFE | O grupo municipal de Ciudadanos en Lugo presentou esta mañá unha denuncia ante a Valedora do Pobo para poñer “en evidencia” o “reiterado incumprimento da Lei de Transparencia” por parte do goberno local de Lugo, formado polo BNG e o PSdeG-PSOE.

No escrito dirixido á Valedora do Pobo, o edil Juan Vidal-Pardo solicita que “se abra unha investigación” e que se “tomen as medidas oportunas para corrixir ditas deficiencias”.  “Tendo en conta que un dos grandes buques insignia do goberno municipal ao comezo do anterior mandato foi a transparencia, e que non faltaron nin ferramentas nin tempo para realizar esa tarefa, cremos que xa é momento de denunciar a falta de acción deste goberno”, dixo en declaracións aos medios de comunicación.

POUCA INFORMACIÓN

Con respecto á denuncia, precisou que “se lle botamos unha ollada ao Portal de Transparencia, podemos comprobar que non existe o apartado de funcións, unha deficiencia clara que incumpre” a disposición legal nesta materia.

En canto aos contratos, “só algúns están publicados no Portal de Transparencia” e no “caso dos contratos menores, o último rexistro que aparece é de marzo de 2018”. Respecto dos convenios subscritos polo Concello de Lugo, “tampouco se atopan resultados a día de hoxe no Portal de Transparencia”.

“Exactamente o mesmo sucede con respecto ás subvencións e axudas públicas, cuxa procura no Portal de Transparencia” só leva a un: “non se atoparon resultados para esta procura”, rematou.

ÚLTIMAS

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...