O Concello de Lugo destinará 200.000 euros á ampliación do parque infantil de Augas Férreas, obra que terá un prazo de execución de catro meses e medio, tal e como avanzou este martes a alcaldesa, Lara Méndez.
Nunha rolda de prensa acompañada polo concelleiro de Medio Ambiente, Álvaro Santos, a rexedora explicou que esta actuación “reivindicada” polos veciños será licitada na xunta de goberno que terá lugar o mércores.
En concreto, os traballos contemplan “o acondicionamento, retirada e substitución do pavimento existente por outro de novo caucho amortecido, en toda a zona de xogos”. Ademais, se ampla o parque ata os 400 metros cadrados, 160 máis, e construirase unha cuberta.
Á devandita zona de xogos infantís incorpórase un “rokodromo”, para a escalada dos máis pequenos, cunha altura total estimada, segundo a alcaldesa, de tres metros.
Lara Méndez volveu a pór de manifesto que con esta obra trátase ” de ampliar espazos para o uso público”, e seguir así “implementando ese modelo de cidade amable, integradora e sustentable” na capital da provincia.
