InicioPolíticaMarea Galeguista presenta en Lugo unha lista "de persoas para falar con...

Marea Galeguista presenta en Lugo unha lista “de persoas para falar con persoas”

Pancho Casal tacha a Feijóo de "neoliberal de libro" que carece de política industrial, aos seus ollos.

PUBLICADA O

- Advertisement -

Marea Galeguista presentou este luns en Lugo a súa lista ás próximas eleccións autonómicas do día 12 de xullo, acto no que os membros da lista pola provincia lucense estiveron arroupados polo candidato á Xunta de Galicia, Pancho Casal.

Para Casal a candidatura é “de persoas para falar con persoas” e que, ademais, conta “cunha representación moi plural da sociedade”, segundo indicou. O candidato por Marea Galeguista dixo en Lugo que a día deste luns existen “tres alternativas para o 12 de xullo”. A primeira “sería un desastre para Galicia” xa que sería un goberno con maioría absoluta para o partido popular; a segunda, votar polo “triunvirato”; e a terceira, apostar “por unha marea galeguista” para “reconstruír o país”, apostilou.

O líder de Marea Galeguista destacou que para o presidente da Xunta, Alberto Núñez Feijóo, a mellor política industrial “é a que non existe”. Casal dixo que “hai que pór o diñeiro onde se necesita” despois de tachar ao presidente e candidato á Xunta de Galicia dun “neoliberal de libro”.

A número dous da lista por Lugo, Carmen Núñez, destacou que a Marea quere uns servizos públicos e sociais de “calidade”. A formación avoga por “unhas políticas máis xuntas e integradoras” para segundo Núñez, facer “un Lugo mellor”. Pola súa banda, Iván Rodríguez, número uno da candidatura por Lugo dixo que o obxectivo é “crear unha Galicia nova” e “mellor”.

+ posts

ÚLTIMAS

“Esta é a violencia laboral que vivimos”: a CIG denuncia presións, ameazas e problemas de saúde na banca galega

A perda de dereitos laborais, o descenso dos salarios e as presións para acadar...

Besteiro acusa a PP e Vox de “ter présa” por esquecer os asasinatos franquistas e pide en Lugo “memoria, xustiza e dignidade”

O secretario xeral do PSdeG, José Ramón Gómez Besteiro, reivindicou este xoves en Lugo...

A Deputación de Lugo renova a xestión de tres espazos turísticos e destina preto de 400.000 euros a estradas

A Deputación de Lugo deu luz verde á adxudicación da xestión de tres instalacións...

A Xunta dá o ‘ok’ ambiental á ampliación dunha granxa avícola en Friol ata case 77.000 pitos

A Xunta deu o visto e prace ambiental á ampliación dunha explotación avícola, ata...