InicioPolíticaAs listas electorais por Lugo apenas sofren cambios de cara ao 12-X

As listas electorais por Lugo apenas sofren cambios de cara ao 12-X

A única novidade entre os candidatos será Iván Rodríguez Lombardero, cabeza de cartel de Marea Galeguista, a nova coalición de CxG, En Marea e o Partido Galeguista.

PUBLICADA O

- Advertisement -

As candidaturas políticas pola provincia de Lugo de cara ás eleccións autonómicas do 12 de xullo non presentan cambios salientables respecto das listas xa coñecidas para o 5 de abril, data na que estaba previsto celebrar os comicios de non ser pola pandemia. Poucos cambios no panorama, agás pola substitución de Compromiso por Galicia en favor de Marea Galeguista, a nova coalición de Compromiso, En Marea e o Partido Galeguista.

O xeólogo Iván Rodríguez Lombardero, natural de Ribadeo e traballador do Sindicato Labrego Galego (SLG), será o cabeza de lista por Lugo desta nova candidatura da Marea Galeguista, que estará liderada a nivel autonómico polo deputado Pancho Casal.

Polo demais, as caras máis visibles seguirán sendo as mesmas: Elena Candia polo Partido Popular, con José Manuel Balseiro de número 2; Patricia Otero capitanerá de novo a candidatura do PSdeG; Olalla Rodil repetirá á fronte do BNG; e Miguel Anxo Fernán-Vello será outra vez o número 1 de Galicia en Común (coalición de Podemos, Esquerda Unida e Anova). Pola súa parte, José Ángel Gómez Fernández presentarase por Ciudadanos e Sonia Teijeiro será a candidata de Vox.

Podes ler a información ampliada no Xornal da Mariña.

ÚLTIMAS

Cortes en Pedrafita pola tractorada galega que pide cambios substanciais nas políticas agrarias da UE

A protesta convocada polas organizacións agrarias galegas Unións Agrarias, Sindicato Labrego Galego e Asaga,...

Consulta xa os horarios dos concertos da Candeloria

O festival lucense A Candeloria anunciou os horarios dos seus concertos, con máis dunha ducia de actuacións...

Queres coñecer ao piloto Jorge Prado e estar no Campionato de España de Motocrós?

Os xornais de Lugo, en colaboración co Concello de Lugo, sorteamos tres entradas dobres...

Detido un condutor que tratou de levar por diante a dous grupos de ciclistas en Lugo

Un home foi detido en Lugo acusado dun delito contra a seguridade do tráfico por tratar...