InicioPolíticaA apertura do auditorio de Lugo podería ter un novo atraso para...

A apertura do auditorio de Lugo podería ter un novo atraso para a súa apertura

No informe elaborado polos técnicos municipais, aclara, faise “fincapé na necesidade de que a área de Arquitectura comprobe a adaptación da obra executada ao proxecto aprobado, como paso previo á entrega do inmoble.

PUBLICADA O

A esperada apertura do novo auditorio de Lugo, cuxa obra civil leva anos acabada despois dun investimento que se aproximou aos 20 millóns de euros, podería atrasarse de novo como consecuencia da diferenza de criterio técnico entre o Concello da capital lucense e da Xunta de Galicia, que financiou as obras.
A alcaldesa da cidade, Lara Méndez, informou de que lle remitiu un escrito á conselleira de Medio Ambiente, Ángeles Vázquez, coas indicacións técnicas que recolle un informe municipal para axilizar a entrega do auditorio ao Concello de Lugo por parte da Xunta de Galicia. Ese informe municipal, explica o goberno local, “incide en que houbo modificacións no deseño inicial que obrigan á Xunta de Galicia a presentar “un proxecto refundido que debe validar o servizo de Arquitectura” municipal.
No informe elaborado polos técnicos municipais, aclara, faise “fincapé na necesidade de que a área de Arquitectura comprobe a adaptación da obra executada ao proxecto aprobado, como paso previo á entrega do inmoble”. A administración local afirma que tivo “coñecemento de que o edificio sufriu varias modificacións, que cambiaron considerablemente o deseño inicialmente aprobado”, e que “non foron informados polos servizos municipais”.
A ese requisito, que o Concello de Lugo considera “indispensable”, a Xunta de Galicia tería que achegar outros documentos para formalizar o acto de entrega, como a acta de recepción definitiva ou o certificado final de obra. A alcaldesa de Lugo, Lara Méndez, lamentou que a conselleira de Medio Ambiente, Ángeles Vázquez, non contestase aínda a dúas cartas enviadas en xuño, nas que poñía os servizos municipais á súa disposición para verificar a entrega das obras.

ÚLTIMAS

Descubertos varios sitios arqueolóxicos nos Ancares

O Colectivo Patrimonio dos Ancares comunicoulle á Xunta de Galicia a localización de varios...

Ecoloxistas en Acción denuncia que a planta de Altri en Palas consumirá o total da auga da provincia de Lugo nun día

Ecoloxistas en Acción reclama á Xunta que denegue á compañía portuguesa Altri a solicitude de captación...

A Deputación de Lugo culpa á Xunta de “incumprir” o proceso de estabilización e esixe o fin da “temporalidade”

O pleno da Deputación Provincial de Lugo aprobou este martes unha moción do Grupo Provincial Socialista...

Adega denuncia que a captación de auga para Altri provocará “problemas de abastecemento”

A Asociación para a Defensa Ecolóxica de Galiza (Adega) censura a solicitude de captación...