InicioPolíticaA repetición das eleccións xerais influirá nos partidos de Lugo

A repetición das eleccións xerais influirá nos partidos de Lugo

O BNG cambiará a súa candidata o 10N , mentres que no PSdeG non se prevén grandes modificacións.

PUBLICADA O

- Advertisement -

A actual vicepresidenta da Deputación de Lugo, Maite Ferreiro, descartou para volver encabezar a lista do BNG ao Congreso por esta provincia, mentres que o presidente da institución provincial, o socialista José Tomé, asegurou que na súa formación política non haberá moitos cambios en relación coa anterior candidatura.

“Non vou repetir. Hai persoas suficientemente capacitadas no BNG. A miña responsabilidade na Deputación e no Concello -onde exerce como edil de Cultura-, absorbe todo o meu tempo e a miña enerxía”, recoñeceu Ferreiro.

En canto ao seu posible substituto, lembrou que a elección de candidatos é “un proceso asembleario” no BNG “que aínda non comezou”.

PSdeG

Nas anteriores eleccións xerais, o Partido Socialista obtivo dúas deputadas pola provincia de Lugo, Ana Prieto e Sonsoles López Izquierdo, polo que Tomé asegurou que, de cara a esta nova convocatoria, “posiblemente a cousa non varíe moito”, aínda que é unha decisión que recae “na comisión federal de listas”.

Ao seu xuízo, “o Partido Socialista vai facer o mellor para gobernar este país. Está en condicións de gañar as eleccións” e vainas “a gañar”, porque “os cidadáns tomaron nota de quen bloqueou a formación de goberno, tanto pola esquerda como pola dereita”. Desde o seu punto de vista, o que sucedeu é “unha tolemia” e os cidadáns “veno”.

Segundo Tomé, as sondaxes “dan ben” para o Partido Socialista, os cidadáns “van responder” nas eleccións do 10 de novembro e o PSOE vai obter un bo resultado, que permita gobernar este país”, sen necesidade de depender “dos nacionalistas cataláns”.

ÚLTIMAS

O PP de Lugo acusa ó goberno local de “improvisación” e “falta de xestión” na regularización de terrazas

O PP de Lugo acusou este sábado ao goberno local de "improvisación" e "falta...

Falece un home de 62 anos tras chocar o seu vehículo contra unha árbore en Abadín

Un home de 62 anos faleceu á primeira hora deste sábado nun accidente de...

Un condutor borracho e drogado foxe tras ter un accidente e choca contra seis coches aparcados na rúa das Fontes

Un condutor ebrio foi interceptado pola Policía Local tras fuxir dun accidente e chocar contra seis...

O PP pide ao Goberno que “amplíe prazos e orzamentos” para a rehabilitación dos barrios da Milagrosa e Feijóo con fondos europeos

A presidenta provincial do PP de Lugo, Elena Candia, e a deputada lucense no...