Representantes lucenses do PP nas Cortes lamentan que “Lugo e Galicia non existan para Sánchez”. Os deputados Jaime de Olano e Joaquín García Díez, ademais do senador José Manuel Barreiro, expresan así a súa insatisfacción tras o discurso do presidente en funcións no debate de investidura deste luns 22 de xullo.
“Sánchez non citou a Galicia nin unha soa vez: nin unha soa palabra sobre pesca e sobre agricultura, só nomeala. Moito Plan Estatal, Acordo Marco, Estatuto…; pero nada de medidas concretas. Foi un discurso descritivo dunha situación, pero nada proposititivo”. Deste xeito o ven dende o PP. Entenden que a intervención do presidente en funcións está “baleira de contido”.
Ademais, acúsano de “facer seus” os “éxitos logrados co Goberno de Rajoy en materia de pensións, crecemento, déficit, emprego, etc”. Non queda aí a valoración negativa do PP. “Estivo plano e non foi capaz de trasmitir ilusión nin aos seus”, conclúen.
