O Concello de Lugo homenaxeará este mércores, día 8 de maio, á primeira corporación democrática da cidade cun acto institucional para conmemorar o corenta aniversario da súa elección.

A homenaxe a todos aqueles que formaron parte da corporación lucense nese primeiro mandato democrático, celebrarase a partir das 20:00 horas no Salón de Plenos da Casa Consistorial e estará presidido pola alcaldesa, Lara Méndez.

O goberno local informará de que “con este acto de memoria faise un recoñecemento á contribución dos primeiros concelleiros da Transición democrática” na administración local, persoas que “fixeron posible que hoxe Lugo sexa o que é”